Desh Bhakti Geet

Mere Dushman Mere Bhai Mere Humsaye

Jai Hind, Bharat Mata Ki Jai, Bharat, India
Written by The Great Gujju
Jang To Chand Roz Hoti Hai  ( 2 )
Zindagi Varso Talak Roti Hai  

 

Sannate Ki Gehri Chhanv
Khamoshi Se Jalte Ganv
Yeh Nadiyon Par Tute Hua Pool
Dharti Ghayal Aur Vyaakul
Yeh Kheit Bamo Se Jhulse Hua
Yeh Khali Raste Sehame Hua
Yeh Matam Karta Sara Shama
Yeh Jalte Ghar Yeh Kala Dhua 
Mere Dushman Mere Bhai 
Mere Humsaye  / ( 2 )
Mujhse Tujhse Hum Dono Se
Yeh Jalte Ghar Kuchh Kehte Hain
Barbadi Ke Sare Manzar 
Kuchh Kehte Hain Haaye
Mere Dushman Mere 
Bhai Mere Humsaye
O Ho Ho… O Ho Ho…   

 

Baarud Se Bojhal Saari Fiza
Hai Maut Ki Boo Failati Hava
Zakhmon Pe Hai Chhai Lachari
Galiyon Mein Hai Phirti Bimari
Yeh Marte Bachche Hatho Mein
Yeh Maon Ka Rona Raton Mein
Murda Basti Murda Hai Nagar
Chehare Patthar Hain Dil Patthar  ( 2 )
O Ho Ho… O Ho Ho…  

 

Mere Dushman Mere 
Bhai Mere Humsaye  / ( 2 )
Mujhse Tujhse Hum Dono Se
Sun Yeh Patthar Kuchh Kehte Hain
Barbadi Ke Sare Manzar 
Kuchh Kehte Hain – Haaye
Mere Dushman Mere 
Bhai Mere Humsaye 
O Ho Ho… O Ho Ho…  

 

Mere Dushman Mere 
Bhai Mere Humsaye
Chehron Ke Dilon Ke Yeh 
Patthar Yeh Jalte Ghar
Barbadi Ke Saare Manzar
Sab Mere Nagar Sab Tere 
Nagar Yeh Kehte Hain
Iss Sarhad Par Phunpha Karegaa
Kab Tak Nafrat Ka Yeh Ajgar  / ( 2 )
Iss Sarhad Par Phunpha Karegaa
Kab Tak Nafrat Ka Yeh Ajagar
Hum Apne – Apne Kheton Mein
Gehun Ki Jagah Chaawal Ki Jagah
Yeh Bandooke Kyon Bote Hain
Jab Dono Hi Ki Galiyon Mein
Kuchh Bhookhe Bachche Rote Hain  ( 2 )
Aa Khayein Kasam
Ab Jang Nahi Hone Paaye  /  ( 2 )
Aur Uss Din Ka Rasta Dekhein
Jab Khil Uthe Tera Bhi Chaman  / ( 2 )
Tera Bhi Watan – Mera Bhi Watan
Mera Bhi Watan – Tera Bhi Watan
Tera Bhi Watan – Mera Bhi Watan
O Ho Ho… O Ho Ho  
Mere Dost Mere Bhai 
Mere Humsaye  / ( 2  )  
O Ho Ho… O Ho Ho… Aaa… Aaa…  

 

About the author

The Great Gujju

Leave a Comment