Gujrati Look Sangeet Gujrati Song

પાન લીલું જોયું ને તમે યાદ આવ્યાં

Gujrati Geet, Gujrati Song, Gujrati Look Sangeet. Garba
Written by Great Gujju

રચના :- હરીન્દ્ર દવે 

 

પાન લીલું જોયું ને તમે યાદ આવ્યાં
જાણે મૌસમનો પહેલો વરસાદ ઝીલ્યો રામ
એક તરણું કોળ્યું ને તમે યાદ આવ્યાં  / ( 2 )  

 

ક્યાંક પંખી ટહુક્યું ને તમે યાદ આવ્યાં
જાણે શ્રાવણના આભમાં ઉઘાડ થયો રામ
એક તારો ટમક્યો ને તમે યાદ આવ્યાં  
પાન લીલું જોયું ને તમે….  

 

જરા ગાગર છલકી ને તમે યાદ આવ્યાં
જાણે કાંઠા તોડે છે કોઇ મહેરામણ હો રામ
સહેજ ચાંદની છલકી ને તમે યાદ આવ્યાં  
પાન લીલું જોયું ને તમે…. 

 

કોઇ ઠાલું મલક્યું ને તમે યાદ આવ્યાં
જાણે કાનુડાના મુખમાં બ્રહ્માંડ દીઠું રામ
કોઇ આંખે વળગ્યું ને તમે યાદ આવ્યાં  
પાન લીલું જોયું ને તમે…. 

 

કોઇ આંગણે અટક્યું ને તમે યાદ આવ્યાં
જાણે પગરવની દુનિયામાં શોર થયો રામ
એક પગલું ઉપડ્યું ને તમે યાદ આવ્યાં 
પાન લીલું જોયું ને તમે….  

 

 

 

About the author

Great Gujju

Leave a Comment