Gujrati Gazal Gujrati Song

Shan Zarukhe Vaat Nirakhti Roop Ni Rani Joi Hati  

Gujrati Gazal, Gujrati Song, Gujrati Movie, Gujrati Video
Written by Great Gujju

રચના :- સેયદ પાલનપુરી 

 

શાંત ઝરૂખે વાટ નિરખતી  
રૂપની રાણી જોઇ હતી
મેં એક શહજાદી જોઇ હતી……

 

એના હાથની મહેંદી હસતી’તી,  
એની આંખનું કાજળ હસતું’તુ, 
એક નાનું સરખું ઉપવન જાણે  
મોસમ જોઇ મલકતું’તુ.
એના સ્મિતમાં સો સો ગીત હતાં,  
એની ચુપકીદી સંગીત હતી, 
એને પડછાયાની હતી લગન,  
એને પગરવ સાથે પ્રીત હતી. 

 

એણે આંખના આસોપાલવથી,  
એક સ્વપ્નમહલ શણગાર્યો’તો, 
જરા નજરને નીચી રાખીને,  
એણે સમયને રોકી રાખ્યો’તો. 
એ મોજાં જેમ ઉછળતી’તી,  
ને પવનની જેમ લહરાતી’તી, 
કોઇ હસીન સામે આવે તો,   
બહુ પ્યારભર્યું શરમાતી’તી. 
તેને યૌવનની આશિષ હતી,  
એને સર્વ બલા ઓ દુર હતી, 
એના પ્રેમમાં ભાગીદાર થવા,  
ખુદ કુદરત પણ આતૂર હતી…… 

 

વર્ષો બાદ ફરીથી આજે,  
એ જ ઝરૂખો જોયો છે. ( ૨ )
ત્યાં ગીત નથી, સંગીત નથી,  
ત્યાં પગરવ સાથે પ્રીત નથી. 
ત્યાં સ્વપ્નાઓના મહેલ નથી,  
ને ઉર્મિઓના ખેલ નથી. 
બહુ સૂનું સૂનું લાગે છે,  
બહુ વસમું વસમું લાગે છે. 
એ ન્હોતી મારી પ્રેમિકા,  
કે ન્હોતી મારી દુલ્હન, 
મેં તો એને માત્ર ઝરૂખે  
વાટ નીરખતી જોઇ હતી. 
કોણ હતી એ નામ હતું શું,  
એ પણ હું ક્યાં જાણું છું, 
એમ છતાંયે દિલને આજે  
વસમું – વસમું લાગે છે, 
બહુ સૂનું – સૂનું લાગે છે……  ( 2 )  

 

Rachna : – sayad Palanpuri  

 

Shan Zarukhe Vaat Nirakhti  
Roop Ni Rani Joi Hati  
Me Ek Shahjadi Joi Hati…   

 

Aena Hath Ni Mahedi  Hasti Ti  
Aeni Aakh Nu Kajad Hastu Tu  
Ek Nanu Sarkhu Upvan Jane  
Mosam Joi Malkatu Tu  
Aena Smit Ma So – So Geet Hata  
Aeni Chupkidi Sangeet Hati  
Aene Padchhaya Ni Hati Lagan  
Aene Pagarav Sathe Prit Hati…   

 

Aene Aakh Na Aasopalav Thi 
Ek Swapn Mahal Shangaryo To  
Jara Najar Ne Nichi Rakhi Ne  
Aene Samay Ne Roki Rakhyo To  
Ae Moja Jem Uchhadti Ti  
Ne Pavan Ni Jem Laharati Ti  
Koi Hasi Ne Same Aave To  
Bahu Piyar Bharyu Sharmati Ti  
Tene Yovan Ni Aashish Hati  
Aene Sarav Bla Ao Door Hati  
Aena Prem Ma Bhagidar Thava  
Khud Kudrat Pan Aatur Hati…   

 

Varso Baad Fari Thi Aaje  
E J Zarukho Joyo Chhe  ( 2 )  
Tiya Geet Nathi, Sangeet Nathi  
Tiya Swapna Ao Na Mahel Nathi  
Ne Urmiyo Na Khel Nathi  
Bahu Sunu – Sunu Lage Chhe  
Bahu Vasmu – Vasmu Lage Chhe  
Ae Nohti Mari Premika  
Ke Nohati Mari Dulhan  
Me To Aene Matr Zarukhe  
Vaat Nirakhti Joi Hati  
Kon Hati Ae Naam Hatu Shu  
Ae Pan Hu Kiya Janu Chhu  
Aem Chhata Ye Dil Ne Aaje  
Vasmu – Vasmu Lage Chhe  
Bahu Sunu – Sunu Lage Chhe  ( 2 )  

About the author

Great Gujju

Leave a Comment