Gujrati Gazal Gujrati Song

લ્યો એના લગ્નની મળી કંકોતરી મને

Gujrati Song, Manhar Udas, Kinjal Dave, Kirtidan, Praful Dave, Gujrati Gazal
Written by Great Gujju
હું….. હું….. હું….. હું….
મારી એ કલ્પના હતી કે વિસરી મને,  ( 2 )
કિન્તુ એ માત્ર ભ્રમ હતો થઇ ખાતરી મને.
ભુલી વફાની રીત ન ભુલી જરી મને,  ( 2 )
લ્યો એના લગ્નની મળી કંકોતરી મને… 

 

કાગળનો એનો રંગ છે ખીલતા ગુલાબ સમ,
જાણે ગુલાબી એના વદનના જવાબ સમ. 
રંગીનીઓ છે એમાં ઘણી ફૂલ – છાબ સમ,
જાણે કે પ્રેમકાવ્યોની કોઇ કિતાબ સમ. 
જાણું છું એના અક્ષરો વર્ષોના સાથથી,
સિરનામું મારૂ કીધું છે ખુદ એના હાથથી. 
ભુલી વફાની રીત ન ભુલી જરી મને,  ( 2 )
લ્યો એના લગ્નની મળી કંકોતરી મને… 

 

કંકોતરીથી એટલું પુરવાર થાય છે,  ( 2 )
નિષ્ફળ બને જો પ્રેમ તો વહેવાર થાય છે. 
જ્યારે ઉઘાડી રીતે ના કંઇ પ્યાર થાય છે,
ત્યારે પ્રસંગ જોઇ સદાચાર થાય છે. 
દુઃખ છે હજાર તોય હજી એજ ટેક છે,
કંકોતરી નથી આ અમસ્તો વિવેક છે. 
ભુલી વફાની રીત ન ભુલી જરી મને,  ( 2 )
લ્યો એના લગ્નની મળી કંકોતરી મને… 

 

આસીમ હવે વાત ગઇ, રંગ પણ ગયો…
તાપી તટે થતો હતો એ સંગ પણ ગયો… 
હાથોની છેડછાડ ગઇ, વ્યંગ પણ ગયો…
મેળાપની એ રીત ગઇ, ઢંગ પણ ગયો… 
હું દિલની લાગણીથી હજી પણ સતેજ છું,
એ પારકી બની જશે હું એનો એજ છું.
ભુલી વફાની રીત ન ભુલી જરી મને,  ( 2 )
લ્યો એના લગ્નની મળી કંકોતરી મને…  
હું…. હું…. હું…. હું…. 

 

 

About the author

Great Gujju

Leave a Comment