રચના :- કૈલાશ પંડિત
દીકરો મારો લાડકવાયો દેવ નો દીધેલ છે,
વાયરા જરા ધીરા વાયજો એ નીંદમાં પોઢેલ છે.
દીકરો મારો લાડકવાયો…..
રમશું દડે કાલ સવારે જઇ નદીને તીર,
કાળવી ગાયના દૂધની પછી રાંધશું મીઠી ખીર,
આપવા તને મીઠી મીઠી આંબલી રાખેલ છે.
દીકરો મારો લાડકવાયો…..
કેરીઓ કાચી તોડશું અને ચાખશું મીઠા બોર,
છાંયડા ઓઢી ઝુલશું ઘડી થાશે જ્યાં બપોર,
સીમ વચાળે વડલા ડાળે હીંચકો બાંધેલ છે.
દીકરો મારો લાડકવાયો…..
ફૂલની સુગંધ ફૂલનો પવન ફૂલના જેવું સ્મિત,
લાગણી તારી લાગતી જાણે ગાય છે ફૂલો ગીત,
આમતો તારી આજુબાજુ કાંટા ઊગેલ છે.
દીકરો મારો લાકડવાયો…..
હાલકડોલક થાય છે પાપણ મરક્યા કરે હોઠ,
શમણે આવી વાત કરે છે રાજકુમારી કો’ક,
રમતાં રમતાં હમણાં એણે આંખડી મીંચેલ છે.
દીકરો મારો લાડકવાયો દેવ નો દીધેલ છે,
વાયરા જરા ધીરા વાયજો એ નીંદમાં પોઢેલ છે.
દીકરો મારો લાડકવાયો…..
Rachna : – Kailash Pandit
Dikro Maro Ladkvayo
Dev No Didhel Chhe
Vayra Jara Dhime Vayjo
Ae Nind Ma Podhel Chhe
Dikro Maro Ladkvayo…..
Ramshu Dade Kaal Savare
Jai Nadi Ne Teer
Kadvi Gay Na Dudh Ni Pachhi
Radhshu Mitthi Khir
Aapva Tane Mitthi – Mitthi
Aambli Rakhel Chhe
Dikaro Maro Ladkvayo…..
Keriyo Kachi Todshu Ane
Chakh Shu Mittha Boor
Chhayda Aodhi Zulshu Ghadi
Thashe Jiya Bapor
Seem Vachade Vadla Dade
Hichko Bandhel Chhe
Dikro Maro Ladkvayo…..
Phool Sugandh Phool No Pavan
Phool Na Jevu Smeet
Lagni Tari Lagti Jane
Gay Chhe Phulo Geet
Aam To Tari Aaju – Baju
Kanta Ugel Chhe
Dikro Maro Ladkvayo…..