Garba Look Geet Gujarati Bhajan Gujrati Look Geet

કોણ હલાવે લીંબડી ને કોણ ઝુલાવે…

Gujrati Look Geet, Look Geet, Dayro, Bhajan, Garba
Written by Great Gujju
કોણ હલાવે લીંબડી ને કોણ ઝુલાવે પીપળી  
ભાઇની બેની લાડકીને ભઇલો ઝુલાવે ડાળખી… 

 

લીંબડીની આજ ડાળ ઝુલાવે, લીંબોળી ઝોલા ખાય,  
હીંચકો નાનો બેનનો એવો, આમ ઝુલણ્યો જાય,  
લીંલુડી લીંબડી હેઠે, બેનીબા હિંચકે હીંચે……….કોણ…  

 

એ પંખીડા, પંખીડા, ઓરા આવો એ પંખીડા,  
બેની મારી હીંચકે હીંચે, ડાળીઓ તું ઝુલાવ,  
પંખીડા ડાળીએ બેસો, પોપટજી પ્રેમથી હીંચો……કોણ…  

 

આજ હીંચોડુ બેનડી, તારા હેત કહ્યા ના જાય,  
મીઠડો વાયુ આજ બેની તારા હીંચકે બેસી જાય  
કોયલ ને મોરલા બોલે, બેની નો હીંચકો ડોલે…..  

 

કોણ હલાવે લીંબડી ને કોણ ઝુલાવે પીપળી  
ભાઇની બેની લાડકીને ભઇલો ઝુલાવે … 
બેનડી જુલે …ભઇલો ઝુલાવે ડાળખી.  

 

 

About the author

Great Gujju

Leave a Comment